საქართველოს მთავრობა ხორბლის ექსპორტის აკრძალვას ვადაზე ადრე აუქმებს. აღნიშნული გადაწყვეტილების შესახებ დღეს მთავრობის სხდომის დასრულების შემდეგ სოფლის მეურნეობის მინისტრმა ოთარ შამუგიამ ისაუბრა.
მისი განმარტებით, გასულ წელს ხორბლისა და ქერის ექსპორტის აკრძალვის გადაწყვეტილება, სასურსათო უსაფრთხოების რისკებიდან გამომდინარე მიიღეს, წელს კი ეს რისკები ამოწურულია და ქვეყანაში ხორბლის და ფქვილის სათანადო რაოდენობის მარაგებია. შამუგიამ აღნიშნა, რომ ქერთან მიმართებით ექსპორტის აკრძალვა გასულ წელსვე გაუქმდა.
„დღეს არსებული ვითარების ანალიზით, ხორბალთან მიმართებით ხვალიდან მთავრობის განკარგულება გამოვა და ხორბლის ექსპორტის შეზღუდვა მოიხსნება, რითიც ფერმერებს ხელს შევუწყობთ, რომ თავისუფალ სავაჭრო სივრცეში მოახდინონ არსებული ხორბლის რეალიზება. რადგან სასურსათო უსაფრთხოების ნაწილში არანაირი რისკი არ დგას. ქვეყანაში ხორბლის და ფქვილის დაახლოებით 3 თვის მარაგი არსებობს და ამის შემდეგ ჩვენ ახალ მოსავალს ველით.
აქედან გამომდინარე მივიღეთ გადაწყვეტილება ხორბლის ექსპორტის აკრძალვა ვადაზე ადრე მოვხსნათ. აკრძალვა ივლისამდე გვქონდა“, – განაცხადა მინისტრმა.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…